Kryeministri Edi Rama është padyshim një ndër kryeministrat më të përfolur ndonjëherë në Shqipëri.
Kjo jo vetëm falë karrierës dhe angazhimit të tij politik por edhe për shkak të paraqitjes, gati gati jo të zakonshme për një post të lartë si kryeministër.
Edhe mbrëmjen e sotme Rama ka habitur ndjekësit e tij pasi është shfaqur në media gjatë një interviste me mjekër të bardhë e me tuta sportive, sic mund ta shihni në galerinë e bashkëngjitur lajmit.
Pjesë nga intervista:
Për shkak të look-ut të ri ka shumë që mendojnë se kryeministri po mundohet ti ngjajë babait të kombit, Ismail Qemalit me mjekrën, ndërsa të tjerë mendojnë se po hyn në atë që ai e quan jetën e tretë, po cfarë mendon ai?
Duhet pyetur mjekra ime për të dyja. Unë vetë nuk jam në dijeni as për njërën dhe as për tjetrën
Që do të thotë se karriera juaj është e gjatë?
Duhet të gjeni një mënyrë të pyesni mjekrën time
Mjekra drejtohet nga ju?
Nuk është e thënë
Karriera juaj politike është përtej 2021?
Këta gjë nuk e vendos askush përveç meje dhe socialistëve. Këta të dy e vendosin
Ju jeni i vendosur për të vijuar?
Nëse ky ishte përkthimi që i bëtë përgjigjes…
Dua të kuptoj ambiciet, zakonisht askush nuk ka pasur më shumë se dy mandate…
Ambicia ime është shumë e thjeshtë që cdo minuta të kohës sime në këtë detyrë të jem një njeri i zakonshëm që ka mundësinë e jashtëzakonshme t’u shërbejnë njerëzve të zakonshëm. Dhe sa më shumë punë të bëjmë për të gjithë njerëzit aq më shumë është e plotësuar ambicia ime.
Natyrisht duke e çuar Shqipërinë drejt Europës, duke e ndërtuar Europën këtu. Me të tjerat nuk kam kohë të shpenzoj, cështjet e mjekrës dhe të presidentit ua lë juve dhe atyre që duan të argëtohen me xingla.
Nuk besoj se janë e njëjta gjë nga rëndësia?
Për mua janë njësoj
FOTO:
Diskutime rreth kësaj post