Kryetari i Partisë Demokratike, Lulzim Basha shprehet se kryeministri Edi Rama monitorn fushatën e PD dhe se kopjon programin e saj.
Sipas Bashës, Rama është kthyer në një “satelit” të tij që ndjek fjalimet, madje i monitoron dhe orarin e gjumit. Basha tha se PD po bën një fushatë për çështje konkrete dhe që është pranë problemeve të popullit.
Deklarata e Bashës:
“Detyrimi im para shqiptarëve është pse e dua unë mandatin për çfarë zotohem para tyre dhe si garantoj për zotimet e mia. Në një vend të qytetëruar është baza e një politike të arsyeshme. Në nuk jemi në këtë terren, ne nuk mund të pretendojmë në një nga studiot më të lashta të medias shqiptare se jemi në një realitet normal. Nga njëra anë ka një fushatë time dhe kandidatëve që shtrihet kudo dhe merret me çështje konkrete dhe hallet e qytetarëve. Nga ana tjetër po ndodh diçka që me thënë të drejtën nuk është se nuk më jep një farë kënaqësie. Kemi një kryeministër që është kthyer një satelit i kandidatit për kryeministër, ai është kthyer në satelitin tim. Nga mëngjesi deri në darkë merret me fushatën time, me fjalimet e mia, i inspekton rresht për rresht, kopjon programin, nuk e kupton, por e kopjon, merret me veshjen time, me flokët, madje më monitoron dhe orët e gjumit. Kryeministri është katandisur në satelitin e fushatës time, pra sateliti im.”-tha Basha
Diskutime rreth kësaj post