Duke shpalosur programin e PD për sistemin zgjedhor, kryetari i Partisë Demokratike, Lulzim Basha ka kërkuar që parlamenti të jetë i ndarë në dy dhoma, njësoj siç ka SHBA.
Kjo ide nuk i ka pëlqyer deputetit të opozitës parlamentare Ralf Gjoni, i cili është shprehur se krijimi i Senatit do t’i jepte mundësinë rehabilitimit të ‘pleqëve të politikës’, ndërsa shprehet se Sali Berisha do të ishte senatori i parë.
Në një intervistë në Neës24, Gjoni tha se opozita parlamentare në propozimin e saj kishte pikë kryesore listat e hapura, ndërsa u shpreh se ishte kundër votimit elektronik, pasi Shqipëria nuk i ka mundësitë për të bërë diçka të tillë.
“Nuk duan të lëshojnë sistemin. Ky është një sistem i kapur.
Pse të mos numërohen votat atje ku votohet, si në Francë.
Nuk jam për votim elektronik, pasi nuk e kemi mundësinë.
Opozita parlamentare ka propozuar listat e hapura.
Deri në 15 mars kemi besim të arrijmë një konsensus për listat e hapura.
Hapja e listave nuk kërkon ndryshime kushtetuese.
Nuk mund të bëjmë parlamënt me dy dhoma.
Senator ii parë do të ishte Sali Berisha. Në Senat do të kishim rehabilitimin e disa pleqve të politikës shqiptare, gjë që nuk i jep shpresë këtij vendi.
Nuk jam kundër moshës së madhe, problemi i listave tona kanë qenë kalamajtë”, – tha ndër të tjera Gjoni.
Diskutime rreth kësaj post