Nisur nga ngjarja e djeshme ku presidenti Ilir Meta u përplas fizikisht me punonjësit e policisë bashkiake në godinën e FRD, analisti Kreshnik Spahiu ka analizuar sjelljen liderëve politikë në Shqipëri.
Sipas Spahiut, Berisha, Rama, Basha, Monika apo Meta me tituj “Profesor-Doktorë” , sillen si të çmendur apo si të sëmurë psiqik në krahasim me Hashim Thaçin, Ramush Haradinajn, Jakup Krasniqin, Kadri Veselin, Albin Kurtin që kanë më pak shkollim, më pak specializime jashtë.
Postimi i plotë i Spahiut:
“Ndonëse Hashim Thaçi, Ramush Haradinaj, Jakup Krasniqi, Kadri Veseli, Albin Kurti kanë më pak shkollim, më pak specializime jashtë, më pak eksperiencë, më pak traditë, më pak tituj shkencor, krahasuar me “Profesor-Doktorët” e Shqipërisë, si Berisha, Rama, Basha, Monika apo Meta, ndonëse ata të Kosovës vinë nga lufta dhe burgjet, ndonëse ata vijnë nga dhuna dhe plumbat, krahasuar me këta 5 udhëheqësit tanë të rritur dhe shkolluar mes luksit, apo mes universiteteve të Europës, ata në Kosovë nuk janë sjellë si të çmendur apo si të sëmurë psiqik as kur kan humbur zgjedhjet, madje as kur u janë vendosur prangat.
Ata kanë pritur me qetësi humbjen, ata kanë pritur si burra edhe burgun.
Pse këta të shkolluarit e Shqipërisë janë më rrugaçë se ata të Kosovës?
Si gjykoni ju, këta psikopatët e Shqipërisë:
– janë të çmendur,
– janë ordinerë,
– janë të inkriminuar,
– janë të friksuar
apo ….
– thjesht aktrojnë?”-shkruan Spahiu.
Diskutime rreth kësaj post