Pse nuk iu bashkua Rudina Hajdari partisë së Myslim Murrizit? Deputetja flet për herë të parë dhe zbulon arsyen

Përfaqësuesja e opozitës parlamentare në Këshillin Politik, Rudina Hajdari iu është përgjigjur ‘shpërthimeve’ të deputetit Halit Valteri pse zgjodhi t’i bashkohet nismës ‘Thurje’ dhe jo partisë së Myslim Murrizit.

“Më duket se edhe këto deklarata janë tërhequr, unë nuk merrem dot me deklarata emocionale, e rëndësishme është që në atë grup që jemi kemi një qëllim të përbashkët dhe një raport të mirë për sa i përket reformës zgjedhore këtu nuk kemi ndasi, për sa i përket gjërave të tjera secili është i lirë në zgjedhjen e tij”, tha Hajdari.