“PS mund të ndahet në dy pjesë?”, Kreshnik Spahiu reagon për lëvizjen e bujshme të Ditmir Bushatit dhe ngre pikëpyetjen e madhe

Ish-kreu i Aleancës Kuq e Zi, Kreshnik Spahiu ka reaguar lidhur me lajmin që po qarkullon në media se Ditmir Bushati është duke krijuar një parti të re.

Spahiu pyet: “A besoni që Partia Socialiste mund ndahet në dy pjesë apo jo?”, duke lënë të nënkuptohet se do ketë zhvillime të reja.

Kujtojmë se Ditmir Bushati ishte deri dje një nga figurat më të rëndësishme në PS në qarkun e Shkodrës, mirëpo ky qark tanimë është nën drejtimin politik të Ilir Beqajt. Ky i fundit pas marrjes së postit të ri, u shpreh dje nga Shkodra se Bushati nuk është as në Shkodër e as në Tiranë, duke lënë të kuptohet se ka bërë një punë të pakët në zonën që i ishte lënë për të përfaqësuar.

Mirëpo teksa diskutohet për largimin e tij nga ky post drejtues në PS, Ditmir Bushati ndodhet në Danimarkë, nga ku ka publikuar në rrjetet sociale një foto me pronarët e një restoranti që mesa duket janë shqiptarë të Maqedonisë.