PS kryeson bindshëm, ky është rezultati i fundit nga numërimi në Elbasan

Ende po vijon numërimi në qarkun e Elbasanit për zgjedhjet parlamentare të 25 prillit. Deri më tani janë numëruar 379 kuti nga 511 në total.

Ajo që vihet re është se dominon Partia Socialiste me 63773 vota ose 55.60%. Ndërsa në vendin e dytë është Partia Demokratike me 41748 vota ose 36.40%, e cila ndiqet nga LSI me 5608 vota ose 4.89%.

Kujtojmë që disa ditë para zgjedhjeve, në qytetin e Elbasanit ndodhi një ngjarje e rëndë kriminale, ku mbeti i vrarë aktivisti i PS-së për Elbasanin, Pjerin Xhuvani. Gjithashtu në këtë përplasje mbeti i plagosur efektivja e policisë Xhensila Sota dhe tre persona të tjerë.