Protesta e opozitës jehonë në mediat ndërkombëtare: Berisha tregoi muskujt para zgjedhjeve lokale

Protesta e organizuar nga opozita në Shqipëri është pasqyruar gjerësisht në mediat ndërkombëtare,
Reuters shkruan se protesta anti-qeveritare mblodhi mijëra qytetarë që protestuan për varfërinë në rritje, korrupsionin dhe largimin e shqiptarëve në emigrim.

“Pasi protestuan për rreth tre orë paqësisht, protestuesit çanë kordonin e policisë pranë ndërtesës qeveritare dhe hodhën bojë të kuqe e të zezë. Një protestues u arrestua”, shkruan Al Jazeera.

“Ashtu si 32 vjet më parë, bota na sheh si njerëz (që mbërrijnë) me varka të vogla”, tha Sali Berisha, kreu i Partisë Demokratike opozitare, duke iu referuar rritjes së numrit të shqiptarëve që shkojnë në Britani.

“Protesta shihet në Shqipëri si një përpjekje e Berishës për të treguar muskujt përpara zgjedhjeve lokale në maj 2023. Berishës, i cili ka shërbyer më parë si president dhe kryeministër, iu ndalua në vitin 2021 hyrja në Shtetet e Bashkuara për korrupsion të dyshuar. Ai mohon çdo keqbërje”, shkruan Reuters.