Deputetja e opozitës parlamentare, Rudina Hajdari ka propozuar sot në mbledhjen e Këshillit Politik, ligjin për referendumet. Hajdari tha se ashtu si edhe ndryshimi i sistemit zgjedhor dhe ligji për referendumet, janë të rëndësishme për t’i dhënë më shumë fuqi qytetarëve shqiptarë si dhe për të forcuar demokracinë në vend.
Ajo i bëri thirrje Bashës të pranojë këto dy propozime, duke e ironizuar se “sa herë has vështirësi, shkon në krahët e Ramës”.
“Përveç propozimit të kahershëm që opozita parlamentare ka bërë, për ndryshimin e sistemit zgjedhor, ne sot bëmë një hap tjetër akoma më të rëndësishëm, propozuam ligjin për referendumet, që do t’i japë më shumë fuqi qytetarëve shqiptarë. Do të diskutohet javës që vjen.
I bëj thirrje zotit Lulzim Basha që të mbështesë këto dy propozime, ndryshimin e sistemit zgjedhor dhe ligjin për referendumet. I bëj thirrje se nuk duhet të rikthehet prapë në krahë të Edi Ramës, ose do të pranojë këto dy propozime, që i japin fuqi qytetarëve shqiptarë, dhe demokracisë shqiptare, ne duhet të ecim përpara dhe të mos rikthehemi pas. Dhe zoti Basha e ka që sa herë ka vështirësi shkon në krahët e Edi Ramës,” – deklaroi Hajdari.
Diskutime rreth kësaj post