Shefi i Kabinetit në Presidencë, Edmond Panariti ka bërë thirrje mëngjesin e sotëm që të tregohet kujdes për shirat që pritet të pushtojnë vendin tonë dhe rreziku i përmbytjeve që na kanoset.
Teksa sulmon qeverinë, Panariti kërkon që të veprohet urgjentisht pasi ndryshe dëmet do të jenë të mëdha.
“Kujdes! Kujdes!… Shirat po vijnë dhe me to edhe rreziku i përmbytjeve! Rreziku i dëmeve!
Këto nuk përballohen me platformën E-Albania nga kompjuteri i zyrës!
Prandaj mbathni argjinaturat, pastroni dhe thelloni kanalet, riparoni hidrovorët dhe kontrolloni digat..
Bashkitë të mos merren vetëm me ndriçimin dhe trotuarët, por kanë si përgjegjësi direkte edhe pastrimin dhe thellimin e kanaleve kulluese në fshat.
Ndryshe dëmet do të jenë të mëdha, por edhe përgjegjësitë institucionale po ashtu!”, paralajmëron Panariti.
Diskutime rreth kësaj post