Po vjen drejt fundit epoka e Netanyahut, partitë e opozitës në Izrael afër marrëveshjes për të formuar qeverinë

Epoka e Benjamin Netanyahut si kryeministër mund të jetë më afër se kurrë. Partitë opozitarë të Izraelit janë drejt marrëveshjes së koalicionit për të formuar një qeveri. Bëhet fjalë për partinë centrise të Yair Lapid dhe ultra-nacionalistit Naftali Bennett.

Marrëveshja duket se është gati teksa për dy vjet do të shërbejë si kryeministër Bennett, dhe dy vitet e tjera Lapid. Ndërkohë Netanyahu është kryeministri më jetëgjatë i Izraelit. Fillimisht ai e ka ushtruar këtë detyrë në vitet 1996-1999. Më pas do e merrte postin në 2009 për ta mbajtur deri sot.