“Po pres ta mësoj zyrtarisht”, shpërthen Rama: Kjo quhet ndërhyrje në fushatën e brendshme elektorale

Kryeministri Edi Rama ka shpërthyer ndaj Brukselit, për shkak se disa komisionerë janë shfaqur në konferenca online me Lulzim Bashën.

Sipas Ramës kjo është një ndërhyrje në punët e brendshme të Shqipërisë, dhe dikush në Bruksel duhet t’ua sqarojë këtë gjë dhe komisionerëve.

Postimi i kryeministrit Rama:

“Në dijeninë time Komisioni Europian nuk e ka zakon të fusë hundët në fushatat elektorale dhe unë pres ta mësoj zyrtarisht e publikisht nga Brukseli, nëse e kam unë gabim e ndoshta komisionerët kanë vërtetë të drejtë të bëhen palë kur popujt e Europës zgjedhin qeveritë e tyre!

Dikush në Bruksel duhet t’u thotë komisionerëve që harxhojnë kohën e punës së paguar nga taksat e popujve të Europës, për të bërë videomuhabete elektorale me Lulëzim Bashën, se kjo quhet ndërhyrje në fushatën e brendshme elektorale të një vendi kandidat për në BE!”, – ka shkruar Rama.