‘Po ça të bëri Sali Berisha ty’, Kryemadhi përplaset me analistin në studio

Kryetarja e LSI-së, Monika Kryemadhi thotë se partia e saj ka numrin më të madh të të rinjve në listat e kandidatëve për deputetë dhe i bën thirrje mediave t’i japin më tepër vëmendje.Në emisionin “Real Story”, Kryemadhi debatoi me analistin Skënder Minxhozi, kur ai i tha se partitë opozitare kanë po të njëjtat figura që kanë dominuar politikën në 30 vitet e fundit.

“Ndaj mos na e shisni rotacionin për ndryshim”, u shpreh Minxhozi.

Pjesë nga diskutimi:

Skënder Minxhozi: Përmendët ndryshimin, por po të marrim jo moshën biologjike, këtu ndryshim jo që s’ka por rotacion po. Të kesh Sali Berishën.

Kryemadhi: Po ça të bëri Sali Berisha ty, ke Luljeta Bozon. Po nuk e deshe mos e voto.

Minxhozi: Mos na e shisni rotacionin për ndryshim.

Kryemadhi: Rotacioni vjen me votë. Merr listën e PD në Tiranë vetëm ndryshim nuk ke.

Minxhozi: 30 vjet politikanë, si mund të mbrosh ndryshimin.

Kryemadhi: Ke patur pa fund Berluskonin, Helmut Kholn…