**Përplasje e ashpër mes Klodiana Lalës dhe Albatros Rexhajt në “Opinion”**
Një përplasje e ashpër verbale ka ndodhur mbrëmjen e sotme në studion e emisionit “Opinion”, mes gazetares Klodiana Lala dhe analistit Albatros Rexhaj.
Debati u zhvillua teksa Lala po replikonte ndaj deklaratave të ish-drejtoreshës së SHISH-it, Vlora Hyseni, e cila më herët gjatë ditës, në një përballje me gazetaren pranë ambienteve të SPAK-ut, i ishte drejtuar asaj me një deklaratë lidhur me pretendime për “agjentë serbë” dhe hotelin “Rogner”.
Gjatë diskutimit në studio, përplasja mes Lalës dhe Rexhajt u përshkallëzua në tone të ashpra.
Rexhaj iu referua një urdhri gjykate dhe kërkoi që deklaratat e Lalës të vlerësoheshin në raport me ato të Vlorës Hysenit.
Në përgjigje, Lala përdori tone të ashpra ndaj Rexhajt, duke i thënë se nuk kishte të drejtë të ndërhynte gjatë fjalës së saj dhe duke e akuzuar se po normalizonte dhunën.
Nga ana tjetër, Rexhaj kundërshtoi gazetaren dhe deklaroi se “të dyja mund të jenë të vërteta”, duke iu referuar pretendimeve të ngritura gjatë debatit.
Përplasja vijoi për disa minuta, ndërsa moderatori Blendi Fevziu ndërhyri për të qetësuar situatën dhe i kërkoi Rexhajt të dilte nga studioja.
Debati u shoqërua me akuza dhe kundërakuza të ndërsjella, ndërsa palët mbajtën qëndrime të kundërta lidhur me pretendimet e bëra gjatë diskutimit.
Per te shikuar videon ndiqe linkun ne vijim – https://www.instagram.com/reel/Ddrs4Rjt3Q1/?utm_source=ig_web_copy_link&stkn=NTc4MTIwNjQ2YQ==
Diskutime rreth kësaj post