Kancelarja gjermane Angela Merkel, udhëheqësit e shteteve federale dhe shoqatat civile, një total prej 120 palësh të interesuara, kanë përfunduar një plan për integrimin e migrantëve në shoqërinë gjermane, sistemin arsimor dhe tregun e punës. E gjitha kjo duhet të jetë e vlefshme për të paktën dekadën e ardhshme. Eshtë sigurisht plani i fundit i tillë që Merkel do të paraqesë para se të lërë përfundimisht postin e kancelares pas zgjedhjeve parlamentare në shtator.
Ky Plan Kombëtar i Veprimit për Integrim u punua për tre vjet, ku 300 përfaqësues të shteteve gjermane, qyteteve dhe 75 organizatave të migrantëve morën pjesë në krijimin e tij, dhe që u miratua në një samit të madh të kryesuar nga Annette Widmann-Mauz, komisionerja gjermane për Integrim. Ishte kriza e migrantëve, së bashku me këtë pandemi, ajo që çoi në sfidën më të madhe për kancelaren Angela Merkel.
Politika gjermane e kuptoi që vetëm siguria në punë nuk mjaftonte për të integruar me sukses migrantët në shoqërinë gjermane. Programi i integrimit duhet të jetë shumë më i detajuar dhe më i plotë. Kështu, plani i ri përbëhet nga pesë faza të ndara në 100 pika me premisën themelore – integrimi duhet të fillojë para se të mbërrijë në Gjermani.
Në fazën e parë, e cila fillon në vendet e lindjes, kërkohen ata që janë të gatshëm të arsimohen dhe punojnë, në mënyrë që të tërhiqet një fuqi punëtore e aftë dhe jo mangët.
Faza e dytë do të përfshin masat fillestare të integrimit të tilla si mësimi i gjuhës, këshilla për fillimin e jetës së përditshme, njohjen e kualifikimeve të fituara më parë.
Faza e tretë do t’i kushtohet përfshirjes dhe pjesëmarrjes në shoqërinë gjermane, përfshirë integrimin në tregun e punës, por edhe angazhimin civil, ku është e qartë se emigrantët e rinj në Gjermani pritet të marrin pjesë në jetën e përgjithshme shoqërore, dhe jo vetëm në jetë të bashkësisë së bashkatdhetarëve të tyre nga vendi nga vijnë.
Faza e katërt merret me bazat për rritjen në shoqëri, që do të thotë aftësimin e imigrantëve për të marrë pjesë në mënyrë të barabartë dhe të përfitojnë nga shëndetësia, kultura, media dhe sportet, duke inkurajuar kështu diversitetin në këto sfera.
Në fazën e pestë, qëllimi është të forcojë përkatësinë dhe solidaritetin me fqinjët e tyre të rinj dhe shoqërinë e tyre, pjesë e të cilave bëhen imigrantët. Kjo nënkupton një rritje të shkallës së natyralizimit, edukimit qytetar dhe pjesëmarrjes në të, mundësi të barabarta në tregun e punës dhe kur bëhet fjalë për sipërmarrjen dhe sektorin publik.
Diskutime rreth kësaj post