Presidenti i Partisë së Lirisë, Ilir Meta ka reaguar në lidhje me vendimin e KQZ të urdhëruar nga Edi Rama, për të përjashtuar nga e drejta kushtetuese e votimit 6157 qytetarë me të drejtë vote, por që i ka mbaruar afati i kartave ID, në zgjedhjet për Bashkinë e Himarës.
Në postimin e tij në Facebook, Meta thekson se ky është ‘një krim i shëmtuar elektoral i Edi Ramës në funksion të grabitjes së zgjedhjeve’.
REAGIMI I METES
Përjashtimi i qëllimshëm antikushtetues i 6157 qytetarëve të Bashkisë së Himarës nga e drejta e votimit, me preteksin e skadimit të dokumentave të identifikimit është një krim i shëmtuar elektoral i Edi Ramës në funksion të grabitjes së zgjedhjeve.
Shtimi në listat e votimit të qindra qytetarëve nga bashki të tjera, ndryshimi i programuar i qendrave të votimit, ndarja preferenciale për qëllime elektorale të titujve të pronësisë, zbarkimi i të gjithë makinerisë së narkoshtetit në Himarë, me banditë, presione, shantazhe dhe para të pista janë akte mafioze antiligjore që akuzojnë rëndë drejtpërdrejt Edi Ramën dhe SPAK që mbron krimet e tij elektorale.
Duke dënuar me forcë aktet që synojnë të shkatërrojnë standardet e zgjedhjeve të lira e të ndershme në Himarë, u bëj thirrje të gjithë himariotëve të vrapojnë në këto orë të mbetura drejt qendrave të votimit për të mbrojtur Himarën dhe ndëshkuar grabitësit e tokave të tyre.
Diskutime rreth kësaj post