Pas dy orësh diskutime ka përfunduar p mbledhja e thirrur nga Kryeministri Edi Rama me drejtuesit politik të PS-së në qarqe, ku mësohet se ka pasur raportime të detajuara për problematikat, si dhe mbi organizimin e strukturave.
Burime nga PS bëjnë të ditur se drejtuesit e qarqeve kanë paraqitur një raport të hollësishëm veçanërisht mbi raportet mes institucioneve dhe qytetarëve, duke bërë edhe një klasifikim të vlerësimeve për çdo drejtues vendor. Referuar vlerësimeve pritet të bëhen edhe ndryshimet në funksionet drejtuese të këtyre institucioneve, ku duket se do të ketë emërime në funksion të fushatës.
Mbledhja ka nisur rreth orës 15.30, ndërsa në takimin e javës së shkuar Kryeministri Edi Rama shprehu si objektiv arritjen e 74 mandateve në zgjedhjet parlamentare të 25 prillit.
Referuar burimeve, qarqet Shkodër, Dibër dhe Lezhë janë vlerësuar si më problematikët. Në dy qarqe, Shkodër dhe Lezhë, Kryeministrit Edi Rama, njëherazi edhe Kryetar i PS-së, i është dashur të zëvendësojë drejtuesit politik, duke rikthyer në skenë Ilir Beqajn dhe Lindita Nikollën.
Diskutime rreth kësaj post