Pas orësh të tëra radhë kilometrike, reagon policia kufitare, ja si paraqitet situata

Pas disa orësh radhë kilometrike, është normalizuar situata në pikën kufitare të Kapshticës.

Policia kufitare bën të ditur se fluksi u eliminua pasi u shtuan sportelet në dalje dhe në hyrje të Shqipërisë.

Konkretisht pala shqiptare ka punuar me 5 sportele në dalje dhe 3 në hyrje, ndërkohë që edhe pala greke punoi me sportele të shtuara.

Pasditen e sotme, në dalje të Pikës së Kalimit Kufitar Kapshticë ka pasur fluks në rritje të qytetarëve dhe automjeteve që lëviznin në drejtim të shtetit grek.