Pas ndarjes nga jeta të mjekut Arjan Pushi, Manastirliu del me thirrjen e fuqishme për të gjithë

Pas ngjarjes së rëndë te Infektivi, ku mjeku i njohur Arjan Pushi ndërroi jetë nga Covid-19, ministrja e Shëndetësisë Ogerta Manastirliu ka bërë një thirrje të fortë.

“Mjekët dhe infermierët, aseti ynë më i çmuar janë sot e gjithë ditën në vijën e parë të përballjes me #COVID19. T’i ndihmojmë të gjithë bashkë, të kufizojmë përhapjen e #COVID19, duke respektuar rregullat e thjesha të higjienës, vendosjes së maskës dhe distancimit fizik!”, shkruan ndër të tjera në postimin e saj Manastirliu.

Postimi i ministres në Facebook:

“Mjekët dhe infermierët, aseti ynë më i çmuar janë sot e gjithë ditën në vijën e parë të përballjes me #COVID19.

Jo vetëm në spitalin infektiv, por kudo ku ata shërbejnë, nga qendrat shëndetësore në spitale, #vijojnë të jenë të pajisur me mjetet e mbrojtjes personale, si ditën e parë të epidemisë, duke ofruar shërbime për çdo qytetar në nevojë, me rihapjen e sistemit shëndetësor.

T’i ndihmojmë të gjithë bashkë, të kufizojmë përhapjen e #COVID19, duke respektuar rregullat e thjesha të higjienës, vendosjes së maskës dhe distancimit fizik!

#TëMbrojmëSisteminShëndetësor

Bashkë kundër #COVID19″, ka shkruar ministrja.