Deputeti i PD-së, Gazment Bardhi është shprehur se edhe nëse Gjykata e Apelit i jep të drejtë Sali Berishës, ai nuk e sheh si të ardhmen e PD-së e aq më tepër të Shqipërisë. I ftuar në një emision televiziv, Bardhi pushoi zërat për krijimin e një partie të re nga ai, apo Lulzim Basha.
“Unë nuk mund të dal në 2025 duke thënë se kandidati ynë për kryeministër, është Sali Berisha unë nuk e bëj dot, edhe nëse gjykata i jep të drejt, prap nuk do e bëja, se unë nuk e besoj as vetë. Nuk përfshihem në asnjë iniciativë për asnjë parti tjetër, ka qenë kjo parti që më dha mandatin e përfaqësuesit e partisë, nuk do përfshihet kurrë në asnjë iniciativë për krijim partie, Berisha nuk është e ardhmja e PD-së dhe as e Shqipërisë dhe prandaj nuk mundem t’i them që do duhet ta votosh, atë. Kjo do ishte e paimagjinueshme. E paimagjinueshme që kjo parti të rikthehet 32 vite më parë, nëse nuk prodhon një lider të ri apo alternativë të re, peng të një individi atëherë ka një problem të madh.”, tha Bardhi.
Diskutime rreth kësaj post