Ish-ministri i Drejtësisë, Ylli Manjani ka komentuar situatën e krijuar pas përhapjes së panikut për koronavirusin. Sipas tij në Gjermani sapo u përhap rasti i parë u izolua menjëherë dhe nuk u dëgjua më për raste të tjera. Ndërsa Në Itali ndodhi e kundërta, brenda pak ditësh patën 250 veta të infektuar dhe 7 të vdekur.
Ndërkohë Manjani kap detajin në deklaratën e kryeministrit të Italisë (Si na ndodhi kjo gjë) dhe shkruan se u shpreh sikur të ishte kryeministri i Shqipërisë.
Sipas Manjanit gjithçka lidhet me përgjegjshmërinë e institucioneve shtetërore.
“Çfarë ndryshimi!
Kur shpërtheu coronavirusi në Kinë, po ato ditë gjermanët zbuluan një person të infektuar.
Ishte i menjëhershëm reagimi dhe nuk dëgjuam më raste të tjera në Gjermani.
Gati një muaj e gjysëm nga pandemia në Kinë, Italia shfaqet krejt pa pritur me të paktën 250 raste të infektuarish, plus 7 mortalitete.
Kryeministri i Italisë ngre supet. “Si na ndodhi kjo gjë”- shprehet. Bash si me qenë Shqiptar…
E pra të dy shtetet si Gjermania ashtu dhe Italia janë BE, janë vende leader e industrive dhe ekonomive të botës.
Por përgjegjshmëria ka tjetër kuptim këtej nga jugu i Europës.”, shkruan Manjani.
Diskutime rreth kësaj post