Dështimet e njëpasnjëshme të kryedemokratit Lulzim Basha përballë qeverisë kanë shkaktuar pakënaqësi. Basha doli nga Parlamenti një vit më parë dhe bojkotoi zgjedhjet vendore të 30 qershorit me qëllim rrëzimin e kryeministrit Edi Rama, por deri më tani nuk ja ka arritur qëllimit. Mirëpo, duket se shefi i selisë blu nuk do ta ketë aspak të lehtë në javët apo muajt në vijim për të përmbushur këtë premtim.
Avokati Altin Goxhaj shprehet se Bashës i ka dalë kundër urdhrit për referendum kombëtar për ardhjen e refugjatëve në Shqipëri edhe ish-nënkryetarja e Bashkisë së Lezhës
“Dje ish-nënkryetarja e bashkisë, zonja e nderuar Alfrida Marku, ka dalë kundër urdhrit të Lulzim Bashës për të heshtur dhe ka thënë që nuk duhet të vijnë në Lezhë refugjatët, madje ka kërkuar referendum kombëtar për ardhjen e refugjatëve në Shqipëri, por dua të kujtoj një detaje se kush ishte Alfrida.
Përveç nënkryetarja e Bashkisë Lezhë, që në kushtet e arrestit të nënkryetarit, ajo do të ishte përsëri kryetare bashkie po të ishte futur PD në zgjedhje në 30 qershor, por unë dua të kujtoj se si Lulzim Basha , Edi Rama dhe Alex Soros janë takuar në Paris për të ndryshuar lojën totalisht në Shqipëri, që mos futej opozita në zgjedhje në mënyrë që t’i krijonte Ramës akses publik në të gjitha bashkitë.
Afrida po të ishte kryetare bashkie, Rama nuk do t’i çonte dot 5000 refugjatët në Lezhë, Rama nuk mund t’i çonte në bashkitë e PD-së se ato do t’ja refuzonin. Po të kishte bashki PD, Shqipëria nuk do të popullohej nga refugjatë. Basha e pengon rrëzimin e Ramës, e kam shpjeguar gjithmonë”, tha Goxhaj në Fax News.
Diskutime rreth kësaj post