Situata mes Greqisë dhe Turqisë është tensionuar sërish. Të hënën në mëngjes, “Oruc Reis” me ndihmën e Ataman dhe Cengiz Han u largua nga porti i Antalisë i shoqëruar nga rreth pesë anije luftarake turke.
Në mesnatën e së dielës, stacioni detar i Antalias lëshoi një Navtex për të cilin Athina lëshoi një anti-Navtex që njoftonte punën sizmike në një zonë kufijtë veriperëndimor të së cilës janë 20 milje nga Rodos dhe vetëm 6.5 milje nga ishulli grek Kastelorizo.
Siç raportojnë mediat greke rreth orës 07:30 të mëngjesit të së martës, “Oruc Reis” dhe anijet luftarake që e shoqërojnë ndodhen 42 milje detare brenda një shelfi kontinental grek dhe ishin rreth 50 nm nga skaji perëndimor i zonës së caktuar nga turqit për kërkime.
Qeveria greke e ka vendosur flotën në gatishmëri dhe një numër anijesh luftarake janë tashmë në det, duke u drejtuar për në zonën e arkipelagut Megisti në shënjestër të Erdogan, përcjell abcnews.al.
Protothema.gr shkruan se zgjedhja e pikave ekstreme të zonës ku njoftohen punët sizmike nga “Oruc Reis” nuk duhet të konsiderohet rastësisht: 6.5 milje në jug të Kastelorizo, kështu Ankara dërgon mesazhin se njeh ujërat territoriale 6 milje detare nga brigjet e Kastelorizos dhe asgjë tjetër.
Me këtë lëvizje, Ankaraja pohon se Greqia nuk mund të pretendojë në rajonin e Mesdheut Lindor asgjë përtej zonës detare territoriale me 6 milje, as të drejtat sovrane në zonat detare përtej zonës bregdetare greke, të cilës po përpiqet të tregojë se i përket në një shelf kontinental turk.
Diskutime rreth kësaj post