Nxori mesazhin sekret të diplomatit të huaj, Baton Haxhiu kundër Ilir Metës: Kjo nuk është normale

Analisti Baton Haxhiu tha se publikimi i mesazhit nga ana e Presidentit Meta nuk është një akt normal. Ai kritikoi presidentin se ai nuk është që duhet të reagojë por gazetarët.

“Në radhë të parë nuk është normal publikimi i tij dhe ka mekanizma për t’i sqaruar këto momente dhe për të sqaruar ambasadorët. Kjo është e mirë për gazetarinë, por një president nuk arrin ta bëjë këtë”, – tha Haxhiu.

Më tej analisti tha se Reforma në Drejtësi, shihet pas një apo dy vjetësh dhe shtoi se nuk do të amnistohet asnjë zyrtarë i lartë.

“Presidenti dhe ministrat e kësaj qeverie nuk do të jenë të aministuar nga e kaluara ndaj reforma në drejtësi i ka këto fenomene të bllokimit institucional”, – u shpreh më tej Haxhiu.