Ka pasur një perceptim të fortë në opinionin publik dhe në media se mënyra, koha dhe shpejtësia rekord me të cilën u themeluar partia, “Bindja Demokratike”, tregojnë se ajo është në funksion të një shërbimi ndaj mazhorancës dhe Edi Ramës. Regjistrimi i saj në momentin e fundit për të marrë pjesë në zgjedhjet lokale të 30 qershorit, i jep një alibi të fortë Edi Ramës, për të treguar se ato do të jenë “pluraliste”, pasi një parti e djathtë me ish eksponentë të PD-së, po merr pjesë.
Por numri 2 i Partisë Socialiste ka një variant tjetër, që shkon deri në kufijtë e qesharakes. Sipas asaj që deklaroi Balla sot në Parlament, krijimi i “Bindja Demokratike” mund të jetë lojë e Bashës dhe Berishës. Kjo lloj alibie, në fakt më shumë përforcon dyshimet, për qëllimin e vërtetë të kësaj force politike “të djathtë” për të marrë pjesë në një palë zgjedhje fasadë, në të cilat opozita e “Lulit dhe Saliut”, jo vetëm ka refuzuar që të jetë pjesë, por edhe ka deklaruar se do ti bllokojë.
“Qesharake duket kjo historia që nënkryetari i PD, sulmon këtë vend për partitokraci. Ai ka qenë në pushtet dhe ka pasur plot 8 vite kohë për ta ndërruar. Ju s’keni faj por, partisë nënë thojini që Astrit Patozi është i tyre, nuk është i imi. Si mund të mbështesim ne kundërshtarin tonë, ku e dimë ne që kjo nuk është lojën e Saliut Astrit? Që se ka fut Luli? Puna juaj kjo, s’është puna jonë.”, tha Balla sot në parlament.
Diskutime rreth kësaj post