“Një tufë qepë dhe një bukë”, Korreshi ironizon indeksimin e pensioneve: Sa për një shishe kos, po batanijet kur vijnë?

Deputeti demokrat Saimir Korreshi nga salla e Kuvendit tha se indeksimi i pensioneve është i barabartë me 1 kg grosh dhe një tufë me qepë të njoma.

“Ose e thënë ndryshe një shishe kos 2000 lekë, një bukë dhe 4 koqe vezë. Se ju me buxhetin tuaj ua keni ngritur të gjithëve”, tha Korreshi, duke përdorur hera herës batuta në fjalën e tij.

Deputeti demokrat tha se më përpara një pensionist kur çmimi i vezës ishte 90 lekë, merrte 1570 koqe, ndërsa me çmimin 200 lekë, marrin 915 koqe vezë.

“Mos u tallni me pensionistët, e dini ju se çfarë shampo përdorin pensionistët? Marrin 3 në 1”, tha Korreshi.

Në vijim ai tha se “pensionistëve duhet t’i jepni ndonjë batanije, pasi ia indeksuat pensionin me 400 lekë, por ia hoqët rimbursimin e ilaçeve 1700 lekë.

“Nuk i ngrihet më atyre ore, mos kini merak, por jepini ndonjë batanije se po vijnë shirat”, tha Korreshi.