“Një person i vetëm votoi 500 herë!” Ish-anëtari i Këshillit Kombëtar të PD-së nxjerr skandalin

Ish-anëtari i Këshillit Kombëtar të PD-së, Edvin Kulluri, tha se nuk do të marrë pjesë në Kuvendin e thirrur nga Lulzim Basha, pasi ky i fundit është vetë kryetar jolegjitim.

Deklarata e Kullurit:

“Unë prej 5 muajsh me anëtarët e Grupimit për PD nuk e kemi njohur zgjedhjen e kreut të PD që u organizuan nga Lulzim Basha. Kështu që Kuvendi që po thërret ai është i thirrur nga institucione jolegjitime. Vetëm në mbledhjen e fundit të Kuvendi Kombëtar vetëm një person ka hedhur 500 vota në kuti, ku pjesëmarrja ishte 1500. Pra ishte një Kuvend i falsifikuar”, tha Kulluri.