Zelanda e Re mund të cilësohet një nga shtetet në botë që e përballoi me sukses sfidën ndaj pandemisë së COVID19. Kështu, një javë pasi u hoqën masat shtrënguese dhe nisi hapja e vendit, ky shtet raportoi 0 raste të reja për të dytën ditë rradhazi.
Sipas kryeministres Jacinda Ardern, fakti që nuk ka më asnjë rast të ri është arritje që i bën padyshim të gjithë krenarë.
Ajo gjithashtu u bëri sërish apel qytetarëve në Zelandën e Re që të jenë vigjilentë, dukë thënë: Mos bëni veprime që mund ta shkatërrojnë fitoren tonë të mundshme.
Kujtojmë se në Zelandën e Re janë raportuar gjithsej 1137 persona të infektuar dhe 20 jetë të humbura.
Ky shtet është konsideruar si një model për nga mënyra e menaxhimit të situatës.
Si fillim aty pati një mbyllje të fortë të vendit dhe më pas pas testimeve masive dhe karantinimit të të gjithe personave që vinin nga zona me rrezik të lartë, vendi nisi hapjen, duke u rikthyer më në fund në normalitetin e shumëpritur nga të gjithë.
Diskutime rreth kësaj post