Ministrja e Shëndetësisë, Ogerta Manastirliu nëpërmjet një postimi në rrjetet sociale ka dhënë një lajm të mirë. Manastirliu bën të ditur se 10 prej pacientëve që ishin të infektuar me koronavirus, tashmë janë shëruar dhe ndodhen të izoluar në banesat e tyre.
Ministrja teksa jep lajmin e mirë bën thirrje që të gjithë të respektojnë me rigorozitet rregullat sepse jemi vetëm në fillimin e kësaj lufte dhe do të na duhet shumë durim.
Manastirliu shkruan:
“Lajm i mirë
qytetarë që ishin prekur nga Covid-19, tashmë kanë rezultuar negativë në dy testet e njëpasnjëshme.
Të gjithë ndodhen në shtëpitë tyre, ku do të vazhdojnë të jenë të vetëizoluar për një periudhë 14 ditore.
Faleminderit mjekëve për shërbimin!
Një lutje për të gjithë qytetarët: Jemi ende në fillimet e kësaj lufte, prandaj durim.
Ju ndihmoni mjekët tanë duke zbatuar rigorozisht masat e higjenës dhe distancimit social.
Dhe ata, mjekët, infermierët, sanitarët, punonjësit e shërbimeve mbështetëse, do t’u shërbejnë me të gjithë forcën dhe profesionalizmin, atyre që do të kenë nevojë.
Kështu fitohet kjo luftë. Me durim dhe bashkëpunim.
#BashkëJaDalim”, shkruan Manastirliu.
FOTO:
Diskutime rreth kësaj post