Ngjarja në Astir/ Mbajtën të mbyllur 26-vjeçaren, mes tyre edhe një 40-vjeçar, kush janë 5 personat e shpallur në kërkim

Policia e Tiranës ka zbërthyer ngjarjen e ndodhur ditën e djeshme në Astir. Sipas uniformave blu, 26-vjeçarja S.Q e cila telefonoi dhe alarmuar policinë, është mbajtur e mbyllur në apartamentin e marrë me qira. S. S., 29-vjeç, A. A., 36-vjeç dhe O. A., 31-vjeç, të tre banues në Tiranë; J. S., 26-vjeç, banues në Tepelenë; dhe A. J., 40-vjeç, banues në Vlorë.

“Gjithashtu, ishte marrë me qira ditore apartamenti përballë në të cilin shërbimet e Policisë, ditën e djeshme, gjetën gjatë kontrollit, 2 armë zjarri, municion luftarak dhe sende të tjera personale që do t’i shërbejnë hetimit. Vijon puna për kapjen e 5 shtetasve të shpallur në kërkim”, njofton Policia.

Njoftimi i Policisë:

Në vijim të informacionit të dhënë ditën e djeshme, për shtetasen S. Q. që kërkoi ndihmën e Policisë, ndërkohë që ndodhej në katin e tetë të një pallati në Astir, bëjmë me dije se:

Si rezultat i veprimeve hetimore të kryera nga Sektori për Hetimin e Krimeve kundër Jetës dhe Pronës, në drejtimin e Prokurorisë së Tiranës, janë identifikuar dhe shpallur në kërkim shtetasit:

S. S., 29-vjeç, A. A., 36-vjeç dhe O. A., 31-vjeç, të tre banues në Tiranë; J. S., 26-vjeç, banues në Tepelenë; dhe A. J., 40-vjeç, banues në Vlorë.

Nga veprimet e para hetimore të kryera për këtë rast dyshohet se këta shtetas, në bashkëpunim me njëri-tjetrin, kanë mbajtur të mbyllur shtetasen S. Q., në apartamentin ku ndodhej, i marrë me qira ditore.

Gjithashtu, ishte marrë me qira ditore apartamenti përballë në të cilin shërbimet e Policisë, ditën e djeshme, gjetën gjatë kontrollit, 2 armë zjarri, municion luftarak dhe sende të tjera personale që do t’i shërbejnë hetimit.

Vijon puna për kapjen e 5 shtetasve të shpallur në kërkim. Gjithashtu, vijojnë hetimet në bashkëpunim me Prokurorinë, për dokumentimin e plotë të ngjarjes dhe identifikimin e shtetasve të tjerë që mund të jenë përfshirë.

Materialet proceduriale i kaluan Prokurorisë, për veprat penale “Heqja e paligjshme e lirisë”, kryer në bashkëpunim, “Mbajtja pa leje dhe prodhimi i armëve, armëve shpërthyese dhe e municionit” dhe “Falsifikimi i dokumenteve”.