Neymar duket se po kalon shumë mirë në Paris. Ylli brazilian, pasi ka deklaruar së fundi se dëshiron të vazhdojë të luajë me PSG-në, përsëri nënvizon dëshirën e tij për të mos u larguar nga “Parce des Princes”.
Në deklaratat e lëshuara për mediat zyrtare të klubit, 28-vjeçari tregon për finalen e Championsit të humbur me Bayern Munchen.
“Një keqardhje e madhe mbetet finalja e Ligës së Kampionëve, e humbur ndaj Bayernit: Ishte shumë keq. Humbja e një finaleje të kampionatit, plus një finale e Ligës së Kampionëve, ishte goxha keq. Kam vuajtur shumë, kam qarë… Sepse, me të vërtetë doja ta fitoja trofeun.
Por, fatkeqësisht kësaj here nuk ia dolëm. Kemi një shans tjetër këtë sezon dhe do të provojmë gjithçka, që të kthehemi në finale, duke kërkuar një tjetër titull historik. Ishte një finale shumë e vështirë, që e humbëm. Mbetëm shumë të trishtuar, por këto gjëra ndodhin, është pjesë e futbollit”, – deklaroi Neymar.
Diskutime rreth kësaj post