Drejtësi politik i Partisë Socialiste në qarkun e Elbasanit, Taulant Balla tha se socialistët synojnë të marrin nëntë mandate në këtë qark.
“Objektivi maksimal është nëntë mandate, objektivi minimal është tetë mandate. Drejtuesi politik merr përgjegjësinë aty ku është objektivi. Ne kërkojmë një mandat të tretë, sepse ne jemi votuar për të çuar përpara disa beteja”, tha ai.
Ai tha se Partia Socialiste suksesin në zgjedhje e pret nga puna që ka kryer në shtatë bashkitë e këtij qarku.
Balla ka akuzuar kundërshtarët politikë, të cilët sipas tij kanë ushtruar presion ndaj kompanive të ndërtimit, ku u kanë kërkuar të mos respektojnë afatet e punimeve në objektet publike.
“Gaz Bardhi është një kalimtar, siç hyri doli dhe kështu do dalë në Elbasan. I bëj thirrje publikisht të heqë dorë bashkë me Bashën nga presioni që u bëjnë kompanive të ndërtimit që mos të respektojnë afatet e ndërtimit të objekteve publike. Unë të gjitha denoncimet e këtij lloji i bëj pa zhurmë sepse nuk kamë kohë për të humbur, njërëzit kanë nevojë për punë dhe ju për gjumë. Këto janë kompani publike”, tha Balla.
Diskutime rreth kësaj post