Ish-deputeti Nard Ndoka ka treguar bisedën e fundit me themeluesin dhe Presidentin e Fax Neës, Kasem Hysenbelliu. Ndoka thotë se i paralajmëroi që do të ketë oponencë mediatike edhe nëse Basha do të bëhej kryeministër.
I pyetur përse opozita është e përgjumur, Ndoka sqaroi se janë në fazat përfundimtare të programit politik që të vijnë si një shpresë për popullin.
“Ky është një shqetësim që perceptohet gjithandej. Para disa javësh që isha tek ju dhe pas emisionit, patëm një kafe me mikun tonë të paharrueshëm, zotin Kasem Hysenbelliu, i cili pothuajse të njëjtat shqetësime kishte, pra sikur jeni përgjumshëm, sikur opozita nuk është në lartësinë që kërkojnë qytetarët. Ishte i shqetësuar më tepër tek misioni i opozitës, pa diskutim që kishte planet e tij që të ishte zëri i interesit publik, i qytetarëve, madje na paralajmëroi në atë kohë që edhe të jetë Basha kryeministër do të ketë oponencën mediatike.
Pra kishte një karakter të vecantë. Përtej asaj bisede që ne patëm, pothuajse është i njëjti shpjegim që po bëj për teleshikuesit tuaj, pa diskutim që opozita është në fazat përfundimtare të programit politik. Është shumë i rëndësishëm që opozita të jetë si një alternativë, pra si një shpresë se të gjitha këto probleme që sot janë të evidentuara apo në një farë mënyre, opozita ka bërë rolin e vet edhe denoncues”, tha Ndoka.
Diskutime rreth kësaj post