Murrizi përplaset me gazetarin e njohur: Mos më hap barkun me këta demokratë! Kur unë jam bërë deputet, Basha ishte kamarier

Nënkryetari i Komisionit Hetimor për shkarkimin e presidentit Ilir Meta, Myslim Murrizi pati një përplasje me Arian Currin.

Deklaratës së Murrizit “mos ma hap barkun me këta demokratë”, Curri iu përgjigj duke thënë se edhe ai është demokrat dhe se për listën e tij ka firmosur kryedemokrati Lulzim Basha.

Pjesë nga debati në MCN TV

Murrizi: Mos ma hap barkun me këta demokratë.

Curri: Edhe ju demokrat jeni.

Murrizi: Kur kam qenë unë nuk kanë qenë këta. Kastriot Islami s’ka qenë në partinë time, m’ka thënë thyeji kafkën në 1997-ën. Kështu është e vërteta.

Curri: Lulzim Basha ka firmosur edhe për ju, për listën tuaj.

Murrizi: Jo o zotëri.

Curri: Po kush ju bëri ju?

Murrizi: Anëtarësia.

Curri: Bëheshe deputet pa dashur Basha…

Murrizi: Po e forconi shumë Bashën.

Curri: Brenda partisë e ka forcën ai.

Murrizi: Pyete në 2018-ën, ka bërë Murrizi Kuvend dhe s’pati surrat të vinte.

Curri: E kam pyetur dhe më ka thënë jam bërë pishman që e kam mbështetur.

Murrizi: S’kam pasur nevojë për mbështetjen e Lulit. Kur kam qenë unë deputet ai qëronte patate. Në ’97-ën e mbaj mend kamarier në Rinas kur unë kam dalë deputet.