Muaji i shenjtë i Ramazanit, Rama uron besimtarët: Agjërim të lehtë dhe të pranuar

Besimtarët myslimanë në mbarë botën nisin në 1 mars, muajin e shenjtë të Ramazanit, periudhën më të rëndësishme të vitit për ta, të cilën e kalojnë në përkushtim, lutje dhe bamirësi.

Kryeministri Edi Rama ka uruar të gjithë besimtarët, nëpërmjet një statusi në Facebook.

“Të gjithë besimtarëve ju uroj një fillim të mbarë të muajit të Ramazanit, agjërim të lehtë, harmoni, qetësi dhe begati në familje. Agjërim të lehtë dhe të pranuar”, shkruan Rama.