Kreu i PD Lulzim Basha u është përgjigjur pyetjeve të gazetarëve në lidhje me akuzat ndaj tij. Gazetarët Baton Haxhiu dhe Lorenc Vangjeli e kanë pyetur Bashën nëse ka qenë në proceset gjyqësore kundër Fatmir Limajt dhe shoqëruesit të Ibrahim rugovës, por kryedemokrati e ka mohuar.
Baton Haxhiu: Duke qenë zyrtar i lartë ligjor, s’mund të mohoni të vërtetën se keni qenë në seancën e Fatmir Limajt, në hetimin e tij.
Basha: Është gënjeshtër e pastër kjo që po thua.
Haxhiu: Nuk thashë që ke bërë faj, Lul.
Basha: Nuk më komplekson dot. Është gënjeshtër e pastër kjo që po thua. Merre në tëlefon Fatmir Limajn.
Haxhiu: Mos, Lul, mos.
Basha: I ke me shkrim të gjitha. Si mund ta bësh këtë gënjeshtër të pacipë?
Haxhiu: Nuk ke bërë faj Lul.
Më pas ndërhyn gazetari Lorenc Vangjeli.
Vangjeli: Keni qenë përkthyes në Hagë në procesin e marrjes në pyetje të shoqëruesit të Rugovës?
Basha: E pashë në një gazetë qeveritare, nuk kam patur asnjë rol në pyetjen e presidentit Rugova.
Diskutime rreth kësaj post