Socialistja Mimi Kodheli dhe diplomati i njohur Arjan Starova komentuan sot në emisionin ‘Breaking’ samitin e NATO-s i mbajtur një ditë më parë në Bruksel, në prezencën e presidentit amerikan Joe Biden. Ata e cilësuan atë si tejet të rëndësishëm dhe pozitiv.
“Ka pasur dy vendime të rëndësishme, vazhdimi i misionit në Irak, por me pjesëmarrjen e më shumë të partnerëve. Partneriteti NATO me vendet partnere është shumë i rëndësishëm, që në këtë samit duhet të fuqizohet më shumë”, tha Kodheli. Ajo shtoi se Shqipëria duhet të investojë në marrjen e masave për parandalimin e kërcënimeve kibernetike.
Diplomati i njohur, Starova nga ana e tij theksoi se tashmë NATO do të ketë 5 forca të reja, veç tokësores, detare, ajrore, duke shtuar ato Kibernetike dhe Hapësinore. “Rusia ka ndikim që të shohim atë që ndodhi në Ukrainë, ka aneksuar Krimenë, është një shkelje. Rusia ka qenë pjesëmarrës me vendet e tjera, Pavarësisht është serioze sepse nuk jemi në luftë, NATO është në këmbë, qiej që monitorohen, investime shumë të mëdha te teknologjitë, mbrojtja, armët bërthamore. Amerika Veriore dhe Europa po veprojnë një trup të vetëm të mbrojnë rendin dhe sigurinë ndërkombëtarë, që i ka prishur Kina. E cila është e errët, e shkel të drejtat e njeriut dhe kjo ngjall frikë te NATO. Tjetër janë investimet në teknologji. Le të themi në një konkurrencë të madhe në teknologji, ka krijuar një DIANA që është përforcuesi i shpikjeve se vetëm aty mund të konkurrojnë Kinën. NATO vazhdon të jetë një aleancë më e rëndësishme që mbron territoret”, tha Starova.
Ndërsa Kodheli thekson se Kina dhe Rusia përbëjnë kërcënim për vendet e Aleancës, duke kujtuar se Moska aneksoi Krimenë nga Ukraina.
Diskutime rreth kësaj post