Monika Kryemadhi e tregon ‘live’ në emision: Do të kandidoj në këto dy qarqe për zgjedhjet e 25 prillit

Kryetarja e LSI-së, Monika Kryemadhi ka treguar dy qarqet në të cilët do të kandidojë në zgjedhjet e 25 prillit. Në emisionin “Quo Vadis” Kryemadhi pranoi se do të kandidojë në Fier dhe Elbasan, duke treguar edhe arsyet e këtij vendimi.

“Fier dhe Elbasan, me kodin e ri e kam të garantuar që do të kandidoj. Elbasanit i kam një borxh dhe Fierit dua t’i jap një mundësi. Dua t’i jap mundësi socialistëve të Fierit, sepse Monika ka qënë themeluese e Forumit rinor Eurosocialist dhe jo iu bashkova, të mos ngatërrohemi. Kam shumë miq që punojnë, jetojnë në Fier. Kemi bërë fushata bashkë, të cilët e gjejnë veten më pranë me Monika Kryemadhin se sa me dikë tjetër që nuk e lidh asgjë me Fierin”, – deklaroi Kryemadhi.