Mjeku Pëllumb Pipero tha se koronavirusi nuk i përjashton personat që janë të rinj apo ata që janë marrë me sport. Sipas tij, të gjithë mund të sëmuremi.
Pipero tha:
“Kemi hyrë në javën e tretë dhe duhet të mobilizojmë të gjitha forcat dhe të qëndrojmë në shtëpi, ndërkohë që ne mjekët të përqendrohemi të ndihmojmë njerëzit e shtruar në spital. Të gjithë mund të sëmuremi.
Eksperienca ka treguar se kanë më shumë komplikacione të moshuarit dhe ata që kanë sëmundje kronike, por virusi nuk përjashton as moshat e reja dhe ata që janë marrë me shumë sport. Sa kohë nuk kemi vaksinë, e vetmja garanci për të ndalur vrullin e epidemisë është qëndrimi në shtëpi. Do pak durim dhe gjithçka do të kalojë më lehtë”, theksoi Pipero.
Diskutime rreth kësaj post