Një ngjarje e shëmtuar u regjistrua pak ditë më parë në Porto Palermo, ku disa turistë spanjollë u terrorizuan nga pronari i lokalit “Panorma”, Mihal Kokëdhima. Ky i fundit qëndroi për rreth 3 km mbi kofanon e furgonit ku ndodheshin turistët, ndërsa shqeu me grushte xhamin e përparmë.
Shkak për këtë u bë largimi nga lokali i turistëve, të cilët ngelën shumë të pakënaqur me shërbimin. Gjykata dha për të masën e sigurisë “arrest me burg”. Por kush është turisti spanjoll, familja e të cilit u sulmua nga Mihal Kokëdhima.
Eugenio Galdon Brugarolas, është një ndër biznesmenët më të fuqishëm në Spanjë, shkruan Report TV. Ai është themelues i ONO, kompani që ofron shërbim telefonik, televiziv dhe internet, ndërsa ka qenë president i saj deri në nëntor të 2018-ës. Gjithashtu spanjolli ka mbajtur poste të rëndësishme në administratë si shef i kabinetit presidencial, në kohën e Adolfo Suarez.
Që nga 1983-1997, Galdon ka drejtuar disa nga grupet më të mëdha mediatike në Spanjë, si “Cadena Ser”, “Grupo Prisa” dhe “Cadena COPE”. Ndërkohë që nga viti 1992, ai është president dhe aksioneri kryesor i “Multitel”, një grup biznesi që investon për median dhe telekomunikacionin në Spanjë. Ai renditet në vendin e 139, në listën e 200 njerëzve më të pasur të Spanjës, me një pasuri që shkon deri në 300 milion euro.
Diskutime rreth kësaj post