Analisti Mentor Nazarko, duke folur për zgjerimin e Greqisë me 12 milje në det, deklaroi se duket se gjithçka është stuhi në gotë.
“Shkuarja në gjykatë ndërkombëtare është zgjidhja më e drejtë. Kjo sepse ne nuk kemi ekspertë apo institute që të kenë shumë vjet eksperiencë. Shqipëria është edhe e shantazhueshme, sepse do që të hyjë në BE.”
Nazarko u shpreh se sipas deklaratës së Ramës se “nuk shitet deti në shekullin XXI”, rezulton se edhe më 2009 nuk ka pasur tradhti me çështjen detare.
“Nuk ka asnjë referencë për zgjerim të Greqisë me 12 milje. Duhet të ketë diskutim dhe transparencë. Çështja e 12 miljeve zgjerim është një stuhi në gotë. Kjo është çështje deti. As në 2009 nuk u shit deti.
Nuk ka arsye për shqetësim. Rama ka bërë deklaratë autogol. Kjo sepse ai tha në shekullin e 21 nuk shitet deti, i bie që edhe më 2009 nuk ka pasur kurrfarë shitje. Për çështjen e detit, Greqia po “ushqen” popullin e vet për Krishtlindje”, tha Nazarko për News24.
Diskutime rreth kësaj post