Romancës midis Eros Grezdës dhe Oriola Marashit duket se po i vjen fundi. Dyshimet e fansave u konfirmuan nga miqtë e tyre duke prishur në këtë mënyrë planin që kishin bërë për martesë. Sipas tyre arsyeja e prishjes së fejesës së tyre ka qenë distanca dhe keqkuptimet e shpeshta për shkak të largësisë, duke qenë se Oriola nuk dëshiron të lërë karrierën si modele. Prej disa vitesh, ajo ka lidhur kontratë me firmën prestigjoze amerikane “GUESS”, për të cilën ka sfiluar dhe ka realizuar herë pas here sete për fushata të ndryshme.
Pas fejesës, Oriola dhe Erosi u vendosën për të bashkëjetuar në Kroaci, por këto kohë modelja po jeton në Itali. Për shkak të angazhimeve të saj profesionale si modele, Oriolës i është dashur të zhvendoset në shtetin fqinj, ku është shfaqur në shoqërinë e shumë miqve të huaj dhe vajzave të njohura. Madje ajo shpalosi edhe talentin e saj në këngë, duke performuar këngën “Shalloë” të Lady Gaga-s dhe Bradley Cooper përpara stafit të “Guess”.
Kujtojmë se Oriola dhe Eros kanë pasur edhe më herët shkëputje në marëdhënnien e tyre për shkak të disa debate xhelozie. Megjithatë dyshja i lanë pas këto probleme dhe u rikthyen në krahët e njëri-tjetrit. Por këtë herë nuk e dimë nëse do të kemi sërish një ribashkim, edhe pse të gjithë do të donin shumë që t’i shikonin ata përkrah njëri-tjetrit gjithmonë.
Diskutime rreth kësaj post