Për Shqipërinë dhe Maqedoninë e Veriut pavarësisht mbështetjeve të dhëna nga pjesa dërrmuese e vendeve të BE me në krye shtetin lider, Gjermaninë, do të mjaftonte vetëm një shtet që të vendoste ‘veton’ dhe ëndrra për hapjen e negociatave do të mbetje përgjysmë.
E në këtë tetor edhe pse Shqipëria e Maqedonia kanë bërë shumë për të merituar hapjen e negociatave, skeptikët nuk mungojnë. Deri më tani zëri kundër që po u jep fuqi skeptikëve është Franca me në krye Emmanuel Macron.
Gazeta e njohur belge ”Le Soir” shkruan se Ballkani Perëndimor nuk është kopshti i Europës dhe presidenti Macron duhet ta rimendojë qëndrimin e tij, shkruan:
“Parisi po kërkon një reformim të procesit të zgjerimit përpara se t’u thotë ‘po’ dy vendeve kandidate”, shkruan ”Le Soir”.
”Kjo nuk është një gjë e re dhe ka një arsye për këtë… Por, edhe sa kohë këto vende do të rrinë kështu?”, pyet gazeta.
“Kjo çështje do të diskutohet në samit. Presidenti Macron, i cili kërkon të bëhet lider i Europës, mundet ende të ndryshojë qëndrimin e tij. A do të duhet një shpërthimi i ri dhune në Ballkan që njerëzit të kujtojnë se këto vende nuk janë kopshti i Europës, por janë një dhomë në këtë shtëpi.”
Diskutime rreth kësaj post