“Macja e Taqos”, Kujtim Gjuzi reagon për çështjen ‘e nxehtë’ të detit me Greqinë dhe kërcënon kryeministrin Micotakis

Deputeti Kujtim Gjuzi kërcënon kryeministrin grek Micotaqis se nëse nuk tërheq deklaratat për zgjerimin me 12 milje në detin Jon, do të përballet me konservatorët.

I pranishëm në mbledhjen e komisionit të Veprimtarive Prodhuese, Gjuzi u shpreh se nëse Micotaqis vjen në Shqipëri do të përballet me konservatorët që do të krijojnë trazira.

“Zona Ekonomike te ishulli Othonoi që kërkohet nga kryeministri grek, Micotaqis i riu. Ne i themi macja e Taqos se është nga Himara ai. Nëse nuk tërheq deklaratën nuk do ketë shanse të hyjë në Shqipëri. Nuk është i mirëpritur nga konservatorët, do dalim para të krijojmë incidente e trazira”, – tha Gjuzi.