Luan Rama i LSI-së, i është përgjigjur kryeministrit Rama, pas deklaratave të këtij të fundit se do ta çojë këtë parti për skrap. Sipas tij, Rama nuk mund ta fshehë dot me kronika të montuara realitetin e dhimbshëm ku jetojnë shqiptarët.
Më tej, Luan Rama tha se Edi Rama nuk ka probleme me LSI-në por me Shqipërinë, ndaj në 25 prill shqiptarët theksoi ai, do të lajnë hesapet me kryeministrin.
“Duke u marrë me LSI, me anëtarët, me simpatizantët, me votuesit e shumtë, Edi Rama nuk mund të fshehë realitetin e dhimbshëm dhe dështimin e tij në qeverisje. Ky realitet, e vërteta e dhimbshme, tej propagandës së tij, nuk mund të fshihen.
Edi Ramës nuk ia ka fajin LSI-ja. Ia ka fajin babëzia. Ia ka fajin ligësia, ligësia e shprehur edhe përmes gjuhës së tij të urrejtjes. Edi Rama nuk ka probleme me LSI-në, ka probleme me demokracinë, me integrimin europian të Shqipërisë. E ka marrë peng dhe e ka sabotuar.
Ai ka probleme me Shqipërinë, ndaj Shqipëria pret 25 prillin për të larë hesapet me Edi Ramën”, – u shpreh Luan Rama i LSI-së.
Diskutime rreth kësaj post