Kryeministri i Viktorias, rajonit ku ndodhet Melburni, pas shtimit të numrit të rasteve me koronavirus, ka marrë vendimi që Melburrni të izolohet. Raportohet se mbi pesë milionë banorë të Melburnit, qytetit të dytë më të madh të Australisë, do të izolohen për gjashtë javë.
Kryeministri tha se izolimi do të nisë mesnatën e së mërkurës, dhe do të zgjasë së paku gjashtë javë. Daniel Andrews ka shuar shpresat se këto javë njerëzit mund të lëvizin normalisht si më parë.
“Ne nuk mund të pretendojmë se kriza e koronavirusit ka përfunduar”, – tha Daniel Andrews.
Vendimi në fjalë vjen pasi Melburni ka regjistruar 191 raste të reja me koronavirus në 24 orët e fundit.
“Ky është numër i lartë. Askush nuk donte të ishte në këtë pozicion. E di se do të ketë dëme për shkak të kësaj. Do të jetë sfiduese”, – tha Andrews.
Diskutime rreth kësaj post