Kuvendi i Shqipërisë ka miratuar ndryshimet e fundit në qeveri, me shkarkimin nga detyra të Arben Ahmetaj si Zëvendëskryeministër, emërimin e Belinda Ballukut në detyrën e Zëvendëskryeministres, dhe emërimin e Majlinda Dhukës si kryenegociatore.
Dekreti për shkarkimin e zëvendëskryeministrit Arben Ahmetajt dhe emërimin e Belinda Ballukut është miratuar me 76 vota pro, 32 kundër dhe asnjë abstenim.
Lindita Nikolla: Dekret nr.13835, datë 26.7.2022 “Për shkarkim Zëvendëskryeministri dhe ministri”, Votat: pro 103, kundër 3, absetim 0
Dekret nr.13836, datë 26.7.2022 “Për emërim ministri”: Votat: pro 76, kundër 32
Dekret nr.13837, datë 26.7.2022 “Për emërim Zëvendëskryeministri” Votat: pro 76, kundër 32, dekreti miratohet.
Pas votimit në Parlament, zv.kryeministrja dhe ministrja e Infrastrukturës dhe Energjisë, Belinda Balluku dhe kryenegociatorja Majlinda Dhuka u betuan sot para Presidenti të Republikës, Bajram Begaj.
Edhe pse kreu i grupit parlamentar i Partisë Demokratike kërkoi debat në kuvend para votimit për ndryshimet e fundit në qeveri, kryetarja e parlamentit Lindita Nikolla e rrëzoi kërkesën e tij.
Diskutime rreth kësaj post