Teksa ka mbetur vetëm pak javë nga zgjedhjet parlamentare të 25 prillit, palët politike janë gjithnjë e më tepër në terren, ndërkohë që një rol shumë të rëndësishëm në mbarëvajtjen e procesit zgjedhor ka edhe Ministria e Brendshme.
Zv, ministri i Brendshëm, Julian Hodaj i pyetur në lidhje me rolin që do të ketë Ministria e Brendshme për të garantuar një proces elektoral transparent dhe të ndershëm se përndryshe ‘kush prek votën sipas presidentit do t’i pritet dora’, tha se nuk ka nevojë për kërcënime pasi tashmë vit pas viti ka një traditë të konsoliduar për mirë në zhvillimin e zgjedhjeve.
Hodaj tha procesi i zhvillimit të zgjedhjeve do të jetë më i mirë se vitet paraardhëse dhe se në bazë edhe të raporteve të mëparshme është vlerësuar roli i policisë së shtetit si i paanshëm dhe me profesionalitet.
‘Ministria e Brendshme rolin në zgjedhje e ka relativ, detyra e Ministrisë së Brendshme është se nga një anë të sigurojë listat që bëhen më së miri dhe deri tani më rezulton që të mos ketë pasur kontestime dhe nga ana tjetër është aktiviteti i Policisë së Shtetit, që përsëri është goxha i vlerësuar. Po të shihni raportet e ODIHR do të shihni se ka një përmirësim domethënëse të rolit të policisë në zgjedhje vit pas viti. Është interesante sesi vlerësohet policia në zgjedhje për paanshmëri dhe profesionalitet. Dhe besoje se kjo do të jetë edhe e këtij viti nuk ka nevojë as për kërcënime dhe as për prerje duarsh. Kemi një traditë të konsoliduar se çdo vit bëhen zgjedhje më të mira dhe në do të vazhdojmë dhe siguroj se raporti që do të vijë do të jetë më i mirë se i vitit 2019. Nuk ndikon Ministria e Brendshme sesi do të votojnë qytetarët. Për fat kë keq eksperienca la treguar që gjithmonë rezultatet janë kontestuar shpresoj që mos të ketë kontestime. Unë besoj se do të jetë një proces më i mirë se paraardhësi’, tha Hodaj.
Diskutime rreth kësaj post