Kuvendi i Shqipërisë do të votojë nesër, më 9 qershor për shkarkimin ose jo të presidentit të vendit, Ilir Meta. Të ndodhur për herë të parë para një vendimi historik, seanca për shkarkimin e një presidenti nga detyra dhe vendimi për shkarkimin e tij duhet të mbështetet nga të paktën 2/3 e anëtarëve të Parlamentit.
Mazhorancës socialiste i duhen 94 vota për ta larguar Ilir Metën nga detyra përpara përfundimit të mandatit.
Nëse Kushtetuesja konfirmon vendimin e Kuvendit, Ilir Meta largohet nga Presidenca, në të kundërt, vendimi i shkarkimit humbet fuqinë vepruese.
Por kush janë konkurrentët e Ilir Metës? Deputeti i Kuvendit Adriatik Almadhi ka nxjerrë prapaskenat nga lëvizja e kryeministrit Rama. Alimadhi u shpreh se kreu i qeverisë ka kontaktuar me figura të cilët janë larguar dhe tani mund të rikthehen për të marrë postin e Presidentit të Republikës.
“Kryeministri Rama i ka bërë ftesë personaliteteve shqiptare. Janë disa personazhe të cilët janë larguar dhe tani do të rikthehen për të marrë postin e Presidentit të Republikës. Rama i ka bërë ftesë personaliteteve politike shqiptare”, – tha Alimadhi në MCN Tv.
Diskutime rreth kësaj post