Deputeti opozitar Selami Jenishehri, që u fut në parlament pas djegies së mandateve nga opozita, u shfaq sot në foltoren e Kuvendit me një fletë me shkrim dore.
Edhe pse zakonisht voton të gjitha projektligjet, ai ka ngritur akuza ndaj qeverisë se po i çon në varr para kohe të moshuarit të cilët nuk kanë të ardhura për të blerë ilaçe dhe për të shkuar në spital
Deputeti i cili ka formuar një koalicion me Kujtim Gjuzin dhe Kostaq Papën thotë se kjo qeveri nuk meriton të rrijë në pushtet asnjë ditë pas 25 Prillit.
“Kemi një kabinet të paaftë. Nuk do kishim nevoja për ndryshime nëse do merren në konsideratë programi i partisë. Kemi një humbje miliona euro që mund t’ia jepnin pensionistëve që të blinin ilaçe dhe të mos shkonin në varr para kohe.
Pensionistët tanë me një pension kaq modest nuk kanë lekë për të blerë ilaçe. Kjo qeveri i çon në varr para kohe nënat dhe baballarët tanë. Ju jeni qeveri që nuk meritoni të jeni asnjë ditë më. Ju po e çoni Shqipërinë në zgjedhje me një gjykatë ku gjyqtari merr një vendim në favor të Partisë Socialiste.
Koalicioni jonë nuk do lejojë ta bëni realitet këtë gjë. Nuk e do e merrni dorën e popullit për të votuar për ju. Gjithë mundësitë janë që populli shqiptar të marrë ndihma. Rumania ka marrë miliona euro”, – tha ai.
FOTO:
Diskutime rreth kësaj post